Fylliefni

Fylliefni eru notuð til þess að bæta samhverfu andlits, minnka ásýnd fínna og dýpri lína, og móta varir. Við notum aðeins gæða fylliefni frá vottuðum endursöluaðilum.

Meðferð með fylliefnum er náttúruleg fegrunarmeðferð sem gefur andlitinu unglegra yfirbragð. Með fylliefnum er hægt að fylla upp í aldurstengda rýrnun og bæta hlutföll andlitsins. Fylliefna meðferðir hafa notið aukinna vinsælda fyrir þær sakir að árangurinn er sjáanlegur strax, bata tíminn er stuttur og aukaverkanir eru mjög sjaldgæfar. Meðferðin er ekki varanleg þar sem líkaminn sér um að eyða efninu sjálfur á náttúrulegan hátt með tímanum.

Hvað eru fylliefni?

Fylliefni er hrein hýalúronsýra sem er efni sem líkaminn þekkir og framleiðir sjálfur. Framleiðsla hýalúronsýru minnkar með aldrinum en hýalúronsýran gefur húðinni teygjanleika og þéttleika. Hýalúronsýran í fylliefnum er krossbundin sem þýðir að hún sé þétt í sér, gefur fyllingu og dregur til sín meiri raka sem bætir ástand húðarinnar.

Fylliefni eru frábær leið til þess að fylla upp í aldurstengda rýrnun, bæta samhverfu eða hlutföll andlitsins

Hvenær er ekki æskilegt að fara í meðferð með fylliefnum?

  • Ef þú ert þunguð eða með barn á brjóst
  • Ef þú ert undir 18ára
  • Ef þú ert með virka sýkingu eða á sýklalyfjum

    Ath. listinn er ekki tæmandi.

Hvað ber að hafa í huga fyrir/eftir meðferð með fylliefnum?

  • Forðast lyf og jurtir sem hafa blóðþynnandi áhrif vikuna fyrir meðferð ef hægt er
  • Ekki neyta áfengis í miklu magni sólarhring fyrir meðferð
  • Ekki nota blóðþynnandi eða bólgueyðandi lyf fyrsta sólarhringinn eftir meðferðina
  • Ekki nota farða eða húðvörur í 4-6kls eftir meðferðina
  • Ekki fara í heitan pott, gufubað eða sund í sólarhring eftir meðferðina
  • Forðast ákafa líkamsrækt sama dag eftir meðferð
  • Ekki nudda eða fikta í stungustöðum

Hvar er hægt að sprauta fylliefni?

Varir

Fylliefni í varir er meðferð sem dregur úr fínum línum á varasvæði, jafnar ósamhverfu, stækkar varir og fyllir upp í aldurstengda rýrnun. Varafylling endist í 6-12 mánuði en þó yfirleitt skemur í fyrsta skiptið.

Nasolabial / línur frá nefi að munni

Nasolabial línurnar eru línurnar frá nefi að munni. Þessar línur koma gjarnan vegna rýrnunar í djúpum fitupúðum andlitsins. Oft hjálpar að setja fylliefni í þessa fitupúða til þess að lyfta línunum upp. Þessi meðferð endist í 12-18 mánuði

Marionette / línur frá munnviki að kjálka

Marionette línurnar eru línurnar frá munnviki að höku. Þessar línur koma gjarnan vegna rýrnunar í djúpum fitupúðum andlitsins. Oft hjálpar að setja fylliefni í þessa fitupúða til þess að lyfta línunum upp. Þessi meðferð endist í 12-18 mánuði.

Nef

Fylliefni í nefið er meðferð sem breytir lögun nefsins, lagar ójöfnur, lyftir því upp og gefur unglegra yfirbragð. Fylliefni í nef blekkir augað og breytir því hvernig ljósið fellur á nefið. Þessi meðferð endist í 12-18 mánuði.

Baugalína / Tear trough

Fylliefni undir augu eða í baugalínu henta þeim sem hafa nægilega þétta húð til að bera fylliefnið. Með aldrinum rýrna fitupúðar í andlitinu og veldur því að minni fylling verður undir augum. Þessi meðferð hentar ekki öllum og stundum hentar þó betur að fylla í fitupúða í kinnum til að styðja undir augun.

Meðferðin hentar ekki þeim sem fá gjarnan bjúg undir augu vegna ofnæmis eða eru með augnpoka. Fylliefni undir augu lagar ekki dökka bauga eða mikinn bláma.

Kinnar

Þegar djúpu fitupúðarnir á þessu svæði byrja að rýrna hefur húðin minna hald, þyngdarlögmálið tekur yfir og línur hjá nefi og munnvikum verða sjáanlegri. Markmiðið með fylliefni í kinnar er að fylla í djúpa fitupúða ásamt því að gefa augnsvæði og kinnum stuðning. Oft gefur þessi meðferð neðra andliti lyftingu með meiri fyllingu í efra andliti.

Kjálki

Fylliefni í kjálka skerpir á kjálkalínunni með því að blekkja augað og breyta því hvernig ljósið fellur á andlitið. Meðferðin getur gefið andlitinu kvenlegra eða karlmannlegra yfirbragð, allt eftir því hvert markmiðið er. Fylliefni í kjálka endist í 18-24 mánuði.

Haka

Með aldrinum verður andlitið oft ferhyrnt en unglegt andlitsfall er meira þríhyrningslaga. Fylliefni í höku getur breytt lögun andlits, styrkir ákveðna andlitsdrætti og jafnar hlutföll milli nefs, vara og höku. Þessi meðferð endist í 18-24 mánuði.

Kinnbein

Þegar það vantar ekki meiri fyllingu í kinnarnar sjálfar heldur auka stuðning fyrir augu ásamt aukinni lyftingu og frískleika í andlit getur fylliefni í kinnbein hentað vel. Efninu er sprautað djúpt til að líkja eftir vexti kinnbeins. Fylliefni í kinnbein getur einnig létt á línum frá nefi og munnvikum. Þessi meðferð endist í 18-24 mánuði vegna þess að fylliefninu er sprautað djúpt.